Apan FM 96.8MHz

रौतहट । मधेस राजनीतिको ‘हेभीवेट’ नेता तथा पूर्वमन्त्री प्रभु साहको पकड क्षेत्र मानिने रौतहट क्षेत्र नम्बर ३ मा यसपटकको चुनावी समीकरण फेरबदल हुने संकेत देखिएको छ। प्रारम्भिक मतगणनाको नतिजा अनुसार प्रभु साह आफ्नै गढमा कमजोर देखिएका छन्।

मतगणनाको ताजा अपडेट (५१९ मत गणना हुँदा):

अहिलेसम्म गणना भएको मतको संक्षिप्त विवरण यस प्रकार छ:

लगातार ४ पटकका विजेता साहलाई चुनौती

यस क्षेत्रबाट लगातार चार पटकसम्म निर्वाचन जित्दै आएका प्रभु साह यसपटकको सुरुवाती रुझानमा निकै पछि परेका छन्। हालसम्मको नतिजामा उनी पाँचौँ स्थानमा समेटिनुलाई राजनीतिक वृत्तमा अर्थपूर्ण रूपमा हेरिएको छ।

अर्कोतर्फ, जसपा नेपालका गोविन्द चौधरीले सुरुवातमै बलियो अग्रता लिएका छन् भने राष्ट्रिय स्वतन्त्र पार्टी (रास्वपा) को ‘घण्टी’ ले पनि यहाँ उल्लेख्य मत पाएर सबैलाई अचम्मित पारेको छ।

निर्वाचन अधिकृतको भनाइ:

“अहिले प्रारम्भिक मतगणना मात्र भएको हो। ५१९ मत गणना हुँदा जसपाका उम्मेदवार अगाडि देखिनुभएको छ। मतगणना जारी रहेकाले अन्तिम नतिजाका लागि अझै केही समय कुर्नुपर्ने हुन्छ।”

रौतहटको यस क्षेत्रमा प्रभु साहको विरासत जोगिएला कि नयाँ अनुहारले बाजी मार्लान्? त्यसका लागि भने अन्तिम परिणाम नै कुर्नुपर्ने देखिन्छ।