तस्वीर समाजिक सञ्जालबाट
राजविराज । सूर्य उपासना तथा आराधनाको महान् पर्व छठ आज देशभर श्रद्धा, भक्ति र उत्साहका साथ मनाइँदैछ । चारदिनसम्म चल्ने यस पर्वको दोस्रो दिन पर्ने खरना विधि आज व्रतालुहरूले विधिपूर्वक सम्पन्न गर्दैछन् ।
यस अवसरमा मधेस, तराई र मिथिलाञ्चलका गाउँ–सहरका पोखरी, नदीघाट र तालतलैयाहरू आकर्षक रूपमा सजाइएका छन् । स्थानीय बासिन्दा तथा युवाहरूले पोखरी र घाटहरूको सरसफाइ गरी रंगीन बत्ती, पण्डाल र टेन्ट लगाएर छठ पर्व मनाउने तयारी गरेका छन् । यसले गाउँ–गाउँमा पनि छठको रौनकता थपिएको छ ।
खरना दिनमा व्रतालुहरूले दिनभर निराहार बसेर साँझ अस्ताउँदो सूर्यलाई खीर, रोटी, फलफूल र ठेकुवा लगायतका सामग्री चढाएर पूजा गर्छन् । त्यसपछि ती प्रसाद ग्रहण गरी छठ पर्वका आगामी मुख्य दिन — सन्ध्या अर्घ्य र प्रातः अर्घ्य — का लागि तयारी थालिन्छ ।
आगामी अर्घ्यका लागि घर–घरमा पूजा सामग्रीको जोहो गर्न व्रतालु र उनका परिवारजन व्यस्त छन् । बजार क्षेत्रमा बाँसका डोला, सुप, फलफूल, नयाँ कपडा र प्रसादका सामग्री किन्ने भक्तजनको भीड देखिएको छ ।
प्रतिक्रिया!!
सम्बन्धित खबर
