राजविराज,२२ असोज । जेनजी युवाहरुले राजविराज विमान स्थलमा रहेको भिआईपी कक्ष बन्द गराएका छन।
पूर्व निर्धारित कार्यक्रम अनुसार यूवाहरुले आज बिहान ११ बजे बिमान स्थल पुगी भिआईपी कक्ष बन्द गराएका हुन ।
जेन जी युवाहरुको पूर्व निर्धारित कार्यक्रम रहेको थाहा पाएपछि तीन वटै सुरक्षा निकाय नेपाल प्रहरी,सशस्त्र प्रहरी र नेपाली सेनाले राजविराज विमान स्थलमा सुरक्षा बढाएका थिए ।
समूहमा गएका युवाहरुलाई प्रहरीले विमान स्थलको मुख्य प्रवेश द्धारमै रोकेका थिए । युवाहरुको तर्फबाट उनीहरुका प्रतिनिधि मोहन यादव र मोहम्द मुस्तकिमलाई मात्र प्रवेश दिएको थियो ।
उनीहरुसँगै नेपाली सेना र नेपाल प्रहरीले भिआईपी कक्षको ढोकाबाट भिआईपी कक्ष बन्द रहेको देखाएर फर्काएका थिए ।
प्रतिक्रिया!!
सम्बन्धित खबर
