सप्तरी-३ मा 'घण्टी' को प्रारम्भिक अग्रता: उपेन्द्र यादव र दिनेश यादव निकै पछाडि

राजविराज । प्रतिनिधि सभा सदस्य निर्वाचनअन्तर्गत सप्तरी निर्वाचन क्षेत्र नम्बर ३ को प्रारम्भिक मतगणनामा राष्ट्रिय स्वतन्त्र पार्टी (रास्वपा) ले अग्रता लिएको छ। सार्वजनिक भएको पछिल्लो विवरण अनुसार रास्वपाका उम्मेदवार अमर कान्त चौधरीले आफ्ना प्रतिस्पर्धीहरूलाई निकै पछाडि पारेका छन्।

ताजा मतगणना अपडेट:

प्रारम्भिक नतिजा अनुसार मुख्य उम्मेदवारहरूको अवस्था यस्तो छ:

अमर कान्त चौधरी (रास्वपा): १,२०४ मत
उपेन्द्र यादव (जसपा नेपाल): १७८ मत
दिनेश कुमार यादव (नेपाली कांग्रेस): २१३ मत
सुरेन्द्र प्रसाद शर्मा (जनमत पार्टी): १०१ मत
ताराकान्त चौधरी (नेकपा एमाले): ६४ मत

हेभीवेट नेताहरूलाई चुनौती

यस क्षेत्रमा जनता समाजवादी पार्टी (जसपा) का अध्यक्ष उपेन्द्र यादव र नेपाली कांग्रेसका प्रभावशाली नेता दिनेश कुमार यादव मुख्य प्रतिस्पर्धीका रूपमा हेरिए पनि प्रारम्भिक गणनामा उनीहरूले अपेक्षित मत ल्याउन सकेका छैनन्। रास्वपाका अमर कान्त चौधरीले १ हजारभन्दा बढी मत कटाउँदा उपेन्द्र यादव र दिनेश यादव दुई सयको हाराहारीमा खुम्चिएका छन्।

विगतको नतिजा र अहिलेको फेरबदल

२०७९ को निर्वाचनमा यस क्षेत्रबाट नेपाली कांग्रेसका दिनेश कुमार यादव २६,१६६ मत ल्याएर विजयी भएका थिए भने नेकपा एमालेका ताराकान्त चौधरी २२,३०० मतसहित निकटतम प्रतिद्वन्द्वी बनेका थिए। तर, यसपटकको प्रारम्भिक रुझानले मतदाताको रोजाइमा ‘घण्टी’ चिन्ह हाबी देखिएको छ।

अन्य उम्मेदवारको मत स्थिति: