काठमाडौँ । काठमाडौँ क्षेत्र नम्बर ८ को प्रतिनिधि सभा निर्वाचनको अन्तिम नतिजाले नेपाली राजनीतिमा एउटा दुर्लभ रेकर्ड कायम गरेको छ। राष्ट्रिय स्वतन्त्र पार्टी (रास्वपा) का उम्मेदवार विराजभक्त श्रेष्ठले सानदार जित हासिल गर्दा उनीबाहेक मैदानमा रहेका सबै २१ जना प्रतिस्पर्धीको जमानत (धरौटी) जफत भएको छ।
चुनावी नतिजा: ‘वान साइड’ गेम
रास्वपाका श्रेष्ठले आफ्ना निकटतम प्रतिद्वन्द्वीलाई २१ हजारभन्दा बढीको विशाल मतान्तरले पराजित गरेका छन्। निर्वाचन आयोगको तथ्याङ्क अनुसार मुख्य उम्मेदवारहरूको मत यस्तो छ:
-
विजेता (रास्वपा): २४,५९२ मत
-
सुमन सायमी (नेपाली कम्युनिस्ट पार्टी): ३,२१७ मत
-
सपना राजभण्डारी (नेपाली कांग्रेस): २,८३५ मत
-
राजेश शाक्य (नेकपा एमाले): १,९०९ मत
-
नबिन शाही (राप्रपा): १,९०९ मत
-
राजन खड्गी (उज्यालो नेपाल पार्टी): १,०३३ मत
किन भयो सबैको धरौटी जफत?
निर्वाचन कानुनअनुसार कुल सदर मतको १० प्रतिशत मत ल्याउन नसक्ने उम्मेदवारको धरौटी रकम राज्य कोषमा जफत हुने व्यवस्था छ। काठमाडौँ-८ मा रास्वपाका उम्मेदवारले एक्लै बहुमत जस्तो मत ल्याएपछि दोस्रो स्थानमा रहेका सुमन सायमीदेखि ठूला दलका उम्मेदवारसम्म कसैले पनि ‘थ्रेसहोल्ड’ पार गर्न सकेनन्।
मुख्य कुरा: काठमाडौँ-८ मा यो नतिजाले परम्परागत राजनीतिक दलहरूप्रति जनताको तीव्र असन्तुष्टि र नयाँ शक्तिप्रतिको आशाहरूलाई स्पष्ट रूपमा झल्काएको छ।
ठूला दलको लज्जास्पद हार
सत्ता गठबन्धन र प्रमुख प्रतिपक्षी दलका उम्मेदवारहरूले समेत न्युनतम मत जोगाउन नसक्नुलाई राजनीतिक विश्लेषकहरूले “काठमाडौँको राजनीतिक विद्रोह” को संज्ञा दिएका छन्। एमाले र राप्रपाका उम्मेदवारले त समान मतमा चित्त बुझाउनु पर्यो भने कांग्रेसकी उम्मेदवार पनि ३ हजारको आँकडा छुन असफल भइन्।
प्रतिक्रिया!!
सम्बन्धित खबर
