जनकपुरधाम, ५ माघ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) आज बिहानै जनकपुरधामस्थित ऐतिहासिक जानकी मन्दिरमा आयोजित विशेष आरतीमा सहभागी भएका छन्। मधेस बलिदानी दिवसको अवसरमा आयोजित ‘परिवर्तन उद्घोष सभा’ मा सहभागी हुन जनकपुर पुगेका नेता शाहले बिहानै मन्दिर पुगेर पूजाअर्चना गरेका हुन्।
बालेनको साथमा रास्वपा प्रवेशको तयारीमा रहेका नेता अमरेश कुमार सिंह लगायत पार्टीका अन्य शीर्ष नेता तथा कार्यकर्ताहरूको बाक्लो उपस्थिति रहेको थियो। मन्दिर परिसरमा बालेनलाई हेर्ने र उनीसँग फोटो खिचाउने स्थानीय तथा भक्तजनहरूको निकै घुइँचो लागेको थियो।
महन्थको आशीर्वाद: “देशको नेतृत्व गर्नू”
दर्शनका क्रममा जानकी मन्दिरका महन्थले नेता बालेन शाहलाई विशेष टीका र प्रसाद प्रदान गर्दै आशीर्वाद दिएका थिए। सो अवसरमा महन्थले बालेनलाई आगामी दिनमा देशको ‘प्रधानमन्त्री’ बनेर राष्ट्रको सेवा गर्ने आशीर्वाद दिएको सहभागी एक नेताले बताए। मन्दिरका महन्थले युवा नेतृत्वले देशमा सकारात्मक परिवर्तन ल्याउन सक्ने भन्दै बालेनको कार्यक्षमताको प्रशंसा समेत गरेका थिए।
प्रतिक्रिया!!
सम्बन्धित खबर
