जनकपुरधाम,२२ असोज। मधेश प्रदेशमा राजनीतिक समीकरण फेरिएको छ। नेपाली कांग्रेसको नेतृत्वमा नेकपा एमाले र जनमत पार्टीले नयाँ सत्ता गठबन्धन बनाएर सरकार गठनको दाबी पेस गरेका छन्।
बुधबार प्रदेश प्रमुख सुमिन्त्रा भण्डारी समक्ष नेपाली कांग्रेस,नेकपा एमाले र जनमत पार्टीका प्रतिनिधिहरू पुगेका थिए। तिनै दलको समर्थनसहित नेपाली कांग्रेस संसदीय दलका नेता कृष्णा प्रसाद यादवको नेतृत्वमा सरकार गठनको औपचारिक दाबी गरिएको हो।
गठबन्धनमा बहुमतको दाबी
तीन दलीय गठबन्धनले मधेश प्रदेशसभामा सरकार गठनका लागि आवश्यक बहुमत रहेको दाबी गरेको छ। कुल १०७ सदस्यीय प्रदेशसभामा ५४ जना सदस्यको समर्थन आवश्यक पर्छ।
स्रोतका अनुसार, नेपाली कांग्रेस, नेकपा एमाले र जनमत पार्टीका जम्मा ५७ सांसद नयाँ गठबन्धनमा उभिएका छन्।
यादवको नेतृत्वमा सरकार बन्ने
सरकार गठनको दाबी पत्रमा नेपाली कांग्रेसका नेता कृष्णा प्रसाद यादवलाई मुख्यमन्त्री बनाउने प्रस्ताव गरिएको छ। यादव मधेश प्रदेशमा कांग्रेस संसदीय दलका नेता हुन्।
नेता यादवले भने, “हामी स्थायीत्व, विकास र शुद्ध शासनको पक्षमा यो गठबन्धनमा आएका हौं। प्रदेशको अपेक्षा अनुसार काम गर्न अबको सरकार तयार छ।”
प्रदेश प्रमुखको प्रतिक्रिया
प्रदेश प्रमुख सूमिन्त्रा भण्डारीले दाबीपत्रको अध्ययनपछि संविधानको धारा १६८ (२) अनुसार निर्णय लिने बताए।
संविधानअनुसार कुनै एक दलले बहुमत नपाएको अवस्थामा दुई वा दुईभन्दा बढी दलको समर्थनमा सरकार गठनको बाटो खुल्ने व्यवस्था छ।
पृष्ठभूमि
मधेशमा पछिल्ला केही हप्तायता राजनीतिक अस्थिरता बढ्दै गएको थियो। बजेट पारित गर्ने प्रक्रियामा असहमति, नेतृत्वप्रति असन्तुष्टि, र विकास योजनामा ढिलाइ भएको भन्दै एमाले र जनमत दुवै असन्तुष्ट हुँदै आएका थिए।
अबको प्रक्रिया के?
प्रदेश प्रमुखले दाबीको वैधता जाँच गरी नयाँ सरकार गठनको घोषणा गर्नेछन्। त्यसपछि नवगठित मन्त्रिपरिषद् गठन हुनेछ।
प्रतिक्रिया!!
सम्बन्धित खबर
