पाकिस्तानको बलोचिस्तानमा यात्रु भरिभराउ रेलमा हतियारधारी समूहले गोली चलाएका छन्।
डन अनलाइनका अनुसार मंगलबार पेशावरतर्फ गइरहेको रेलमा बलोचिस्तानको बोलान जिल्लामा हतियारधारी मानिसहरुले गोली चलाएका हुन्।
बलोचिस्तानको प्रादेशिक सरकारले यसविरुद्ध आकस्मिक कदम चालेको बताइएको छ।
जाफर एक्सप्रेसको रेलमा गोली चलेको हो। उक्त रेलमा चालकदल र यात्रुसहित ५०० जना छन्।
‘सुरुङ नम्बर ८ मा हतियारधारी समूहले रेल रोकेका छन् र अहिले यात्रु र कर्मचारीसँग सम्पर्कको प्रयास भइरहेको छ’, डनसँगको कुराकानीमा सरकारी अधिकारीले भनेका छन्।
एक प्रहरीले एएफपीलाई दिएको जानकारीअनुसार पहाडभित्रको सुरुङमा रेल रोकिएको अवस्थामा छ।
सरकारी अधिकारीहरुले उद्धारका लागि थप रेलहरु पठाएको बताएका छन्।
यसबारे थप बुझ्ने काम बलोचिस्तान सरकारले गरिरहेको बताइएको छ।
प्रतिक्रिया!!
सम्बन्धित खबर
