राजविराज,३ माघ । आम जनता पार्टीका राष्ट्रिय अध्यक्ष एवं पूर्व मन्त्री प्रभु साह माघ ८ गते राजविराज आउने भएको छ ।
आजपा सप्तरीद्धारा आयोजना गरिने अन्तरक्र्रिया कार्यक्रमलाई सम्बोधन गर्न उहाँ राजविराज आउन लाग्नु भएको हो ।
आजपा सप्तरी जिल्ला पदाधिकारी बैठकले राष्ट्रिय अध्यक्ष साहको विशेष उपस्थितीमा माघ ९ गते राजबिराजमा अन्तरक्र्रिया कार्यक्रम सहित विभिन्न संर्घषका कार्यक्रम गर्ने निणर्य गरेको हो ।
बैठकले बैंकहरुले लिने गरेका मनोमानी ब्याज फिर्ता गराउन, लघुबित र सहकारीहरुको सम्पुणर् ऋण मिनाहा गराउन, मिटर ब्याज विरुद्ध जनआन्दोलन केन्द्र सप्तरी तथा आम जनतालाई सहज कर्जा दिलाउन पार्टीले चरणबद्ध आन्दोलनका कार्यक्रम अगाडी बढाउने , माघ १० गते मसाल जुलुस गर्ने,माघ ११ गते मधेश बन्द गर्ने निणर्य गरेको छ ।
साथै यी सघर्षका कार्यक्रमहरुलाई थप व्यवस्थित गर्न पार्टीका राष्ट्रिय अध्यक्ष पूर्व मन्त्री माननीय प्रभु साहको विशेष उपस्थितीमा माग ९ गते राजबिराजमा अनतरक्रीया कार्यक्रमा गर्ने निणर्य गरेको पार्टीका केन्द्रिय सदस्य प्रमोद कुमार शाह(राणा)ले जानकारी दिनुभयो । बैठकमा पार्टीका मधेस प्रदेश अध्यक्ष उमेश कुशवाहा,केन्द्रिय सद्स्य प्रमोद राणा मधेश प्रदेस सद्स्य दिलिप साह, आनन्द यादव लगायतको उपस्थिती रहेको थियो।
प्रतिक्रिया!!
सम्बन्धित खबर
