राजविराज,२२ असोज । लामो समयदेखि निर्माण सम्पन्न भएर पनि राजविराज बसपार्क सञ्चालनमा नआएपछि जेनजी यूवाहरूको एक समूहले असन्तुष्टि जनाएका छन् ।
जेनजी यूवाहरूले आज राजविराजका यातायात व्यववायीका काउन्टरहरूमा गएर जानकारी दिँदै तत्काल बसपार्कबाट यातायात सञ्चालनमा ल्याउन आग्रह गरेका छन् । उनीहरूले चेतावनी दिँदै भनेका छन्, “बसपार्कबाट यातायात सञ्चालन गर्न ढिलाइ भयो भने हामी बजार क्षेत्रमै गाडी चल्न दिँदैनौँ।”
स्थानीय व्यवसायीका अनुसार बसपार्क आवश्यक सबै संरचना तयार भइसकेको छ तर सञ्चालनका लागि आवश्यक प्रशासनिक तयारीमा ढिलाइ भइरहेको छ । यसले बजार क्षेत्रमा ट्राफिक समस्या र यात्रुहरूमा असुविधा बढाएको उनीहरूको गुनासो छ।
केही व्यवसायीले भने केही प्राविधिक र व्यवस्थापकीय कारणले बसपार्क सञ्चालनमा ढिलाइ भएको बताएको छ। तर जेनजी यूवाहरूले तत्काल सञ्चालन नगरे जनआन्दोलनको स्वरूप लिने चेतावनी दिएका छन्।
